Knalltilbod på midtvekeopphald i Myrkdalen

Myrkdalen Hotel ligg rett ved bakken

Skisenteret ligg unikt til mellom fjell og fjord i vakker vestlandsnatur, ein halvtime frå Voss og to små timar frå Bergen.

Spenn på deg skia utanfor hotellet og skli ut i nypreparerte løyper. Her er tilbodet komplett og valmoglegheitene mange.

• To 6-setars stolheisar
• Tre T-krokheisar
• Tre tallerkentrekk
• Saktegåande rulleband for nybyrjarar og born
• 23 løyper og parkar i varierande vanskegrad frå grønt og blått, til rødt og svart.
• Skiskule og Skiutleige
• 8 serveringsstader
• Spelerom med kortbane bowling, dart og shuffleboard
• Afterski
• Velutstyrt sportsbutikk med utleige av ski, hjelm og sko
• Fjellsauna
• Treningssenter

Dei 23 løypene i Myrkdalen er like bra ein vanleg tysdag som ein laurdag – trakkemaskinene er i sving kvar einaste dag.

Pudder og frikøyring

Terrenget rundt skisenteret er perfekt for frikøyring, og det er lett tilkomst frå heisane til store område eigna for laussnøkøyring. Berre hugs - ha skredutstyr i sekken, vit korleis du skal bruka det og fyl med på skredfarevarslinga på varsom.no.

Myrkdalen Aktiv tilbyr skred- og frikøyringskurs retta mot skikøyrarar på jakt etter laussnø frå heis og kortare toppturar. For deg som ikkje er så godt kjent i terrenget og ynskjer å oppleva spektakulær utsikt, kan du få skreddarsydd drøymeturen og bli med på guida topptur.

Om du heilt enkelt berre ynskjer å finpussa på teknikken, tilbyr Myrkdalen Aktiv sin skiskule privat- og gruppeundervisning på alle nivå i alpint, park, langrenn, snowboard og telemark.

Mat og drikke når svolten meld seg

Anten du treng energipåfyll mellom rundane i bakken eller berre er kaffitørst finn du gode alternativ blant dei fire kaféane i Myrkdalen. Fjellstova Vetlebotn er siste tilskot, plassert ved Kari Traa-trekket midt i skisenteret. Her vert det servert tradisjonsrik mat basert på lokale råvarer.

Kamben Kafé og Spel - den naturlege møteplassen

Moroa er ikkje over når siste heisturen er tatt. Den fortset på Kamben Kafé og Spel, som i vekedagane er den naturlege møteplassen etter ein fantastisk skidag. Baren byr på ein avslappa afterski-atmosfære. Her finn du eit breitt sortiment med noko godt å drikka. Kanskje ølplanke og saftig spekemat kan freista?

Spelrommet har duckpin bowling, ein morosam og litt annleis variant av den tradisjonelle bowlinga, med mindre kjegler og ballar - perfekt for både nybyrjarar og erfarne spelarar. I tillegg er det eit moderne dartspel, der de kan konkurrere i det klassiske spelet, med ei teknologisk oppdatering. Shuffleboard er tilgjengeleg, eit sosialt og engasjerande spel som passar for alle aldrar.

Les meir om Kamben her

Smakfulle middagsopplevingar

Etter ein lang dag på ski smakar middagen på kvelden ekstra godt. På Myrkdalen Hotel finn du heile tre gode restaurantar med ulike konsept. Til felles byr alle på smakfulle rettar laga av reine, lokale råvarer. Finn din favoritt, anten det er steinovnsbakt pizza i Restaurant Tunet eller ein finare trerettar meny i Restaurant Nuten. Ynskjer du ei sosial matoppleving? Sjekk ut fondue-avdelinga på hotellet.

Ta ut den siste energien i langrennsløypene

Har du energi til overs kan du boltra deg i både lysløype og 30 km med langrennsløyper direkte frå fjellandsbyen. Langrennsløypene i Myrkdalen er trakka for både skøyting og klassisk langrenn, men kan òg brukast som turløyper med fjellski.

På kveldstid er løypa opplyst, men det kan vera lurt å ha med hovudlykt i bakhand.

Les meir om langrenn i Myrkdalen her

Parker gratis ved Myrkdalen Hotel og la bilen stå under heile opphaldet – her er alt samla på ein plass.

Sov godt på Myrkdalen Hotel

Synk ned i ei god seng på Myrkdalen Hotel og lad opp til ein ny innhaldsrik skidag i Myrkdalen! I tillegg til standardrom har hotellet mange ulike romtypar å velgje mellom – frå familierom med gjennomgang til elegante suiter av ulik storleik.

Les meir om hotellet her

Ynskjer du ei lita treningsøkt innandørs, er Nr1 Fitness Myrkdalen express i gangavstand frå hotellet. Det 150 kvadratmeter store treningssenteret har ope kvar dag kl. 06-23.