Kamben Kafé & Spel

Nyt enkle rettar, den beste kaffien i området og eit stort utval øl frå lokale bryggeri.

Her viser me sportsendingar på TV-skjermane våre. Er det store fotballkampar eller vinteridrettssendingar på gong så skal me sjølvsagt sørga for at du ikkje går glipp av dei.

Duckpin bowling, moderne dartspel & shuffleboard

Førehandsbestill spel i menyen på sida.

Kamben Kafé & Spel er den perfekte samlingsstaden når det freistar å trekkja innandørs. Ta med familie eller venner og gi dei ei utfordring.

Spelrommet byr på duckpin bowling, ein morosam og litt annleis variant av den tradisjonelle bowlinga, med mindre kjegler og ballar - perfekt for både nybyrjarar og erfarne spelarar. I tillegg finst moderne dartspel, der de kan konkurrera i det klassiske spelet, med ei teknologisk oppdatering. Ei datamaskin held styr på poenga og fortel kven sin tur det er, medan spelarane kan velja mellom ulike spelereglar, for å gjera opplevinga meir variert og spennande. Shuffleboard er tilgjengeleg, eit sosialt og engasjerande spel som passar for alle aldrar.

Kamben er inspirert av fjellet Bjørndalskamben

Med 1402 moh. er Bjørndalskamben det høgaste fjellet i Myrkdalen, og frå toppen er det storslått utsikt mot Hurrungane, Fresvikbreen, Vikafjellet, Myrkdalen og Vossefjella.

Arkitekten har også latt seg inspirera av fjellet, og ser du godt etter kan du finna att likheitstrekk mellom bygget og formasjonen på fjellet.

Konseptet med lokal forankring er vidareført inne i lokalet med innslag av stein- og naturelement. På drikkemenyen finn du sjølvsagt eit stort utval av lokalt øl.

---

Kos deg med noko godt i glaset!